سربراہ بی این پی اخترمینگل نے بلوچستان اسمبلی کی نشست چھوڑنےکا فیصلہ کر لیا۔
8فروری کو ہونے والے الیکشن میں سردار اختر مینگل ایک قومی اور ایک صوبائی اسمبلی کی نشست پر کامیاب ہوئے تھے۔
ذرائع کے مطابق سردار اخترمینگل این اے 256 خضدار کی نشست پر حلف اٹھائیں گے اور صوبائی اسمبلی کی نشست چھوڑ دیں گے۔
بی این پی سربراہ صوبائی اسمبلی کی نشست پی بی 20 خضدار پر کامیاب ہوئے تھے جو وہ چھوڑ رہے ہیں۔
علاوہ ازیں بلوچستان عوامی پارٹی کے سینیٹر پرنس عمر احمد زئی سینیٹ کی نشست سے مستعفی ہو گئے۔
سینیٹر پرنس عمر احمد زئی نے اپنا استعفیٰ چیئرمین سینیٹ صادق سنجرانی کو پیش کر دیا جس پر غور کرتے ہوئے چیئرمین نے استعفیٰ منظور کر لیا۔