پی ایس ایل 9 کے 20ویں میچ میں اسلام آباد یونائیٹڈ نے پشاور زلمی کو 29 رنز سے شکست دے دی۔
راولپنڈی اسٹیڈیم میں کھیلے گئے میچ میں اسلام آباد یونائیٹڈ کی جانب سے دیے گئے 197 رنز کے تعاقب میں پشاور زلمی کی ٹیم 9 وکٹوں کے نقصان پر 167 رنز بناسکی۔
عامر جمال کی 87 رنز کی شاندار اننگ بھی زلمی کو شکست سے نہ بچاسکی۔
View this post on Instagram
پال واکر 33 رنز کے ساتھ نمایاں رہے، ٹام کوہلر کیڈ مور 12 رنز بنا کر آؤٹ ہوئے جبکہ ابتدا میں زلمی کے 18 رنز پر پانچ کھلاڑی پویلین لوٹ گئے تھے۔
View this post on Instagram
صائم ایوب 1، کپتان بابر اعظم بغیر کوئی رن بنائے آؤٹ ہوئے، محمد حارث بھی ایک رن کے مہمان ثابت ہوئے۔
اسلام آباد یونائیٹڈ کے کپتان شاداب خان نے تین وکٹیں حاصل کیں، رومان رئیس اور حنین شاہ نے بھی دو، دو وکٹیں حاصل کیں۔
View this post on Instagram
اسلام آباد یونائیٹڈ نے مقررہ اوورز میں 4 وکٹوں کے نقصان پر 196 رنز بنائے اور پشاور زلمی کو جیت کے لیے 197 رنز کا ہدف دیا تھا۔
View this post on Instagram
کپتان شاداب خان نے 80 رنز کی دلکش اننگز کھیلی، آغا سلمان 37 رنز بنا کر نمایاں رہے، الیکس ہیلز بغیر کوئی رن بنائے پویلین لوٹ گئے۔
View this post on Instagram
کولن منرو 15 رنز بنا کر صائم ایوب کو وکٹ دے بیٹھے، جارڈن کاکس 26 رنز بنا کر ناٹ آؤٹ رہے، اعظم خان نے 14 گیندوں پر 29 رنز بنائے۔
View this post on Instagram
پشاور زلمی کی جانب سے صائم ایوب نے دو اور لک ووڈ نے ایک وکٹ حاصل کی۔
View this post on Instagram
پشاور زلمی کے کپتان بابر اعظم نے ٹاس جیت کر شاداب خان الیون کو پہلے بیٹنگ کی دعوت دی تھی۔
View this post on Instagram
پوائنٹس ٹیبل پر پشاور زلمی کی تیسری اور اسلام آباد یونائیٹڈ کی چوتھی پوزیشن ہے۔
پہلے مرحلے میں پشاور نے اسلام آباد کو 8 رن سے ہرایا تھا، ہیڈ ٹو ہیڈ مقابلوں میں پشاور نے 22 میں سے 12 میچ جیتے ہیں۔