بھارت میں افسوسناک واقعہ پیش آیا ہے جہاں ایک درخت سے باپ اور اس کے دو کمسن بیٹوں کی لاشیں درخت سے لٹکی ملی ہیں۔
بھارتی میڈیا کے مطابق یہ افسوسناک واقعہ ریاست مدھیہ پردیش کے ضلع مندسار میں پیش آیا جہاں روندی گاؤں میں ایک درخت سے باپ اور دو کمسن بیٹوں کی لاشیں لٹکی پائی گئیں۔
پولیس کے مطابق لاشوں کی شناخت 40 سالہ پرکاش اور اس کے 10 اور 12 سال دو بیٹوں کی حیثیت سے ہوئی جب کہ پرکاش کمبل فروخت کرنے کا کام کرتا تھا۔
اس حوالے سے ڈویژنل پولیس آفیسر راج رام ڈھاکڈ نے امکان ظاہر کیا ہے کہ پرکاش نے اپنے دو بچوں کو قتل کرنے کے بعد خود بھی خودکشی کر کے اپنی زندگی کا خاتمہ کر لیا ہے۔
تاہم پولیس کا کہنا ہے کہ یہ ابتدائی رائے ہے واقعے کی مخلتف پہلوؤں پر تحقیقات جاری ہیں اور ہم یہ بھی پتہ لگانے کی کوشش کر رہے ہیں کہ اگر یہ خودکشی کا واقعہ ہے کہ تو یہ انتہائی قدم اٹھانے کی ضرورت پیش کیوں آئی؟