بھارت کی ریاست اتر پردیش سے تعلق رکھنے والے کم عمر بچے کے خون خوار چیتے کو دیکھنے کے بعد اطمینان نے سب کو حیران کر دیا۔
میڈیا رپورٹس کے مطابق سوشل میڈیا پر ایک ویڈیو کلپ خوب وائرل ہو رہا ہے جس میں ایک چیتا گھر میں گھستا ہے اور 12 سالہ بچے اسے قید کر لیتا ہے۔
سی سی ٹی وی فوٹیج کے مطابق کم عمر بچہ گھر کے مرکزی دروازے کے قریب بیٹھ کر موبائل فون استعمال کر رہا ہے جبکہ اسی دوران خطرناک چیتا بچے کو دیکھے بغیر دروازے سے اندر گھس آتا ہے۔
بہادر بچے نے بجائے خوف کھانے یا چلانے کے بڑے اطمینان سے چیتے کو اندر گھسنے دیا اور پھر خاموشی سے اٹھ کر باہر گیا اور دروازہ بند کر دیا۔
بعدازاں اس نے فوراً والدین اور دیگر افراد کو اس بارے میں بتایا جو کم عمر بچے کی بات سن کے حیران رہ گئے۔ انہوں نے فوری طور پر محکمہ جنگلات کو اطلاع دی۔
حیران کُن طور پر یہ چیتا دو روز قبل ایک چڑیا گھر سے فرار ہوا تھا جس کی تلاش جاری تھی۔ محکمہ وائلڈ لائف کے عملے نے موقع پر پہنچ کر گھر کی کھڑی سے چیتے کو بے ہوش کیا اور اسے ساتھ لے گئے۔
سوشل میڈیا پر بچے کی بہادری اور خون خوار جنگلی جانور کو دیکھ کر اطمینان نے سب کو حیران کر دیا۔ ہر کوئی اس کی تعریف کر رہا ہے۔