فرنٹیئر ورکس آرگنائزیشن ( ایف ڈبلیو او ) اور پاکستان پیٹرولیم لمیٹڈ کے مابین معدنیات کی کھوج کے سمجھوتے پر دستخط ہوگئے۔
تفصیلات کے مطابق فرنٹیئر ورکس آرگنائزیشن (FWO) اور پاکستان پیٹرولیم لمیٹڈ (PPL) کے مابین معدنیات کی کھوج کے سمجھوتے پر دستخط کی تقریب منعقد ہوئی۔
خصوصی سرمایہ کاری سہولت کونسل (SIFC) کے تعاون سے پاکستان کے معدنیات کے شعبے میں ایک نئے باب کا آغازہوا۔
فرنٹیئر ورکس آرگنائزیشن (FWO) اور پاکستان پیٹرولیم لمٹیڈ (PPL) نے اپنے متعلقہ شعبوں کے استعمال سے بلوچستان کے علاقے چاغی میں تحقیق کے لئے شراکت پر اتفاق کیا، اس شراکت کا مقصد عالمی معیار کے تانبے اور سونے کی دریافت کے منصوبے پر باہمی تعاون کو یقینی بنانا ہے۔
اس منصوبے کے تحت بین الاقوامی مہارت سے فائدہ اٹھاتے ہوئے مقامی وسائل کا بھرپور استعمال کیا جائے گا۔
یہ اشتراک پاکستان کے معدنیاتی شعبے میں ترقی کی راہ ہموار کر کے ملک کو سماجی اور معاشی ترقی کی راہ پر گامزن کرے گا۔