عیداسپیشل ٹرین میں اسمگلنگ کی کوشش

کوئٹہ سے راولپنڈی جانے والی عیداسپیشل ٹرین میں اسمگلنگ کی کوشش ناکام بنا دی گئی۔

تفصیلات کے م طابق عیداسپیشل ٹرین میں پولیس کے اسپیشل اسکواڈ اور کسٹمز عملے نے کارروائی کرتے ہوئے اسمگلنگ پکڑ لی۔

کسٹمزڈی ایس کا کہنا ہے کہ ٹرین سےکروڑوں روپےکا غیرملکی سامان برآمد ہوا ہے، غیرملکی سامان ٹرین کی3بک کی گئی بوگیوں میں چھپایا گیا تھا، سامان میں امپورٹڈ ٹائر، ایئر کنڈیشنز ان ورٹر، کپڑا، پلاسٹک شاپر شامل ہیں۔

پاکستان ریلوے عید پر 4 اسپیشل ٹرینیں چلا رہا ہے۔ کراچی سے مسافروں کےلیے 2 اسپیشل عید ٹرین چلائی جارہی ہیں۔ پہلی عید اسپیشل ٹرین کراچی سے پشاور کیلئے 15 منٹ تاخیر سے روانہ ہوئی۔ محکمہ ریلوے کو کراچی سے پشاور عیداسپیشل ٹرین سے42لاکھ روپےکی آمدن ہوئی۔

دوسری عیداسپیشل ٹرین اے بزنس اور اےسی اسٹینڈرڈ اکنامی 18بوگیوں پر مشتمل ہے جو کراچی سےلاہور کے لیے کل 8 اپریل کو روانہ ہوگی۔ چار اسپیشل عید ٹرینوں میں سے 2 لاہور اور کوئٹہ سے بھی چلائی جائیں گی۔