اسلام آباد: نیشنل ایکشن پلان کمیٹی کا پہلا اجلاس کل طلب کرلیا گیا اجلاس چار بجے چوہدری نثار کی زیرصدارت ہوگا بیشترسیاسی جماعتوں نے اپنے نمائندے نامزد کردیئے ہیں۔
سانحہ پشاور کے بعد وزیراعظم نواز شریف کی صدارت اے پی سی میں تمام سیاسی جماعتوں کے نمائندے سر جوڑ کر بیٹھے اور نیشنل ایکشن پلان کمیٹی بنانے کی منظوری دی گئی۔
نیشنل ایکشن پلان کمیٹی کا پہلا اجلاس جمعے کوطلب کیا گیا ہےاجلاس کی صدارت وفاقی وزیرداخلہ چوہدری نثار کریں گے۔
نیشنل ایکشن پلان کمیٹی میں مسلم لیگ ن کی نمائندگی چوہدری نثاراورعبدالقادر بلوچ کرینگے، تحریک انصاف نے ایکشن پلان کمیٹی کےلیے شیریں مزاری کو نامزد کیا ہے جبکہ اس سے قبل پی ٹی آئی نے شاہ محمود قریشی کا نام دیا تھا۔
ایم کیوایم نے فاروق ستار اوربابر غوری کو نامزد کیا ہے۔ پیپلز پارٹی کی جانب سے رحمان ملک اور قمرالزمان کائرہ کے نام تجویز کیئے گئے ہیں۔
جماعت اسلامی نے صاحبزادہ طارق اللہ اورفرید پراچہ کا نام نیشنل ایکشن پلان کمیٹی کیلئے دیا ہے جبکہ مسلم لیگ ق نے مشاہد حسین سید کو، اے این پی نے افرا سیاب خٹک اور جمعیت علما اسلام ف نے اکرم درانی کے نام دیئے ہیں۔