سابق وفاقی وزیر فواد چوہدری نے کہا ہے کہ اڈیالہ جیل میں قید پاکستان تحریک انصاف کے بانی کو ہر صورت رہا کرنا ہوگا۔
اے آر وائی نیوز کے مطابق سابق وفاقی وزیر فواد چوہدری نے لاہور میں میڈیا سے گفتگو کرتے ہوئے کہا کہ نواز شریف کی حالیہ تقریر سن کر افسوس ہوا۔ نواز شریف اگر ملک سے باہر جائیں گے تو قوم ان کے لیے کیوں باہر نکلے گی۔
فواد چوہدری نے کہا کہ قوم بانی پی ٹی آئی کے ساتھ اس لیے ہے کہ انہوں نے مشکل وقت میں باہر جانے کے بجائے جیل جانا اور وہاں رہنے کو ترجیح دی۔ بانی پی ٹی آئی کو ہر صورت رہا کرنا ہوگا۔
سابق وفاقی وزیر نے ایرانی صدر ابراہیم رئیسی کی ہیلی کاپٹر حادثے میں موت پر افسوس کا اظہار کرتے ہوئے کہا کہ دکھ کی اس گھڑی میں ایرانی حکومت اور عوام کے ساتھ ہیں۔