بھارت میں چنئی کے اپارٹمنٹ کی چھت سے بچائے گئے بچے کی ویڈیو وائرل ہونے کے چند دن بعد ماں کی موت ہو گئی۔
گزشتہ ماہ بھارتی شہر چنائی کی ایک ویڈیو سوشل میڈیا پر وائرل ہوگئی تھی جس میں ایک بچے کو بالکونی سے لٹکے ہوئے دیکھا گیا تھا، یہ چنائی میں واقع اپارٹمنٹ کی چوتھے فلور پر پیش تھا۔
بھارتی میڈیا نے اس حوالے سے بتایا تھا کہ 8 ماہ کا بچہ کھیلتے ہوئے چوتھی منزل سے دوسری منزل کی بالکونی میں گرا، خوش قسمتی کی بات یہ رہی کہ ڈھلوان ہونے کے وجہ سے بچہ وہاں کافی دیر تک اٹکا رہا اور بعد میں کافی کوشش کی بعد اسے بچا لیا گیا۔
تاہم اب یہ خبر سامنے آئی ہے کہ بچے کی ویڈیو سوشل میڈیا پر وائرل ہوئی تو لوگوں نے بچے کی ماں کو خوب تنقید کا نشانہ بنایا گیا، تاہم پڑوسیوں نے واضح طور پر کہا کہ بچے کی والدہ رامیا نے بچے کی اچھی دیکھ بھال کی تھی اور دن بچے کا گرنا صرف ایک حادثہ تھا۔
اس واقعے کے بعد رامیا اپنے بچے کو کرامدائی میں اپنے والدین کے گھر لے گئی تھی، اتوار کو رامیا گھر میں بے ہوش پائی گئی جس کے بعد اسے اسپتال لے جایا گیا جہاں اسے مردہ قرار دے دیا گیا۔
بچے کی ویڈیو چنائی کے ایک اداکار پرشانتھ رنگاسوامی نے بھی شیئر کرتے ہوئے تنقید کا نشانہ بنایا تھا، اب گلوکارہ چنمئی سری پادا نے بچے کی ماں کی موت پر ٹوئٹ میں بتایا کہ بچے کی ماں نے اس واقعے پر شرمندہ ہونے کے بعد خود کو مار لیا۔
سری پادا نے ٹوئٹ میں لکھا کہ ’ پرشانتھ رنگاسوامی جیسے لوگ اور جنہوں نے اُن ٹویٹ کے تحت والدین کو شرمندہ کیا ہے، وہ تمام لوگ اب جشن منا سکتے ہیں کیونکہ اس بچے کی ماں نے اب خود کو مار لیا ہے‘۔