پاکستان میں سونے کی قمیت میں ایک بار پھر اضافہ

کراچی : پاکستان میں سونے کی قیمت میں معمولی اضافہ ریکارڈ کیا گیا ہے۔

پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 500 روپے اضافے کے بعد 2  لاکھ 41 ہزار 700 روپے ہوگئی ہے۔

ایسوسی ایشن کا بتانا ہے کہ ملک بھر میں 10 گرام سونے کا بھاؤ 429 روپے اضافے کے بعد 2 لاکھ 7 ہزار 219 روپے کا ہوگیا ہے۔

آل پاکستان جیمز اینڈ جیولرز  ایسوسی ایشن  کا کہنا ہے کہ عالمی بازار  میں سونے کا بھاؤ 7 ڈالر اضافے کے بعد 2342 ڈالر فی اونس ہوگیا۔