حکومت کا صحافیوں اور میڈیا ورکرز کیلیے بڑا اعلان

اسلام آباد: وفاقی حکومت نے سالانہ بجٹ 25-2024 میں صحافیوں اور میڈیا ورکرز کیلیے ہیلتھ انشورنس کا اعلان کر دیا۔

وفاقی وزیر اطلاعات و نشریات عطا اللہ تارڑ نے صحافیوں اور میڈیا ورکرز کو کو مبارکباد دیتے ہوئے کہا کہ صحافیوں اور میڈیا ورکرز کو ہیلتھ انشورنس کی فراہمی ترجیح ہے، صحافی ہمارے معاشرے کا اہم حصہ ہیں۔

عطا اللہ تارڑ نے کہا کہ جمہوریت کی مضبوطی میں صحافیوں کے کردار سے انکار نہیں کیا جا سکتا، صحافیوں کو ہیلتھ انشورنس کی فراہمی تاریخی قدم ہے، پہلے مرحلے میں 5 ہزار صحافیوں کو ہیلتھ انشورنس فراہم کی جائے گی۔

وفاقی وزیر اطلاعات نے بتایا کہ دوسرے مرحلے میں مزید 10 ہزار ورکرز کو سہولت ملے گی، وزیر اعظم شہباز شریف کے مشکور ہیں۔