قاتلانہ حملے سے ٹرمپ کی حمایت میں اضافہ ہو گیا؟

پینسلوینیا میں انتخابی ریلی میں خطاب کے دوران سابق امریکی صدر ڈونلڈ ٹرمپ پر قاتلانہ حملے کے بعد صدارتی دوڑ میں ان کی حمایت میں اضافے کا امکان ظاہر کیا جا رہا ہے۔

الجزیرہ نے رپورٹ کیا ہے کہ تجزیہ کاروں کا کہنا ہے کہ قاتلانہ حملے کے نتیجے میں ڈونلڈ ٹرمپ کی حمایت میں اضافے کا امکان ہے، اور اس سے نومبر کے انتخابات میں فرق پڑ سکتا ہے۔

حالیہ ہفتوں میں صدارتی انتخابات کے لیے اہم سمجھی جانے والی ریاستوں میں ڈونلڈ ٹرمپ اور جو بائیڈن کے درمیان فرق بہت کم ہو گیا ہے، پچھلے مہینے مباحثے میں بائیڈن کی کمزور کارکردگی سے ٹرمپ کو قدرے حوصلہ ملا ہے، لیکن پولز کے نتائج بتاتے ہیں کہ رائے دہندگان نسبتاً خاموش دکھائی دے رہے ہیں۔

حملہ آور کی شناخت کرلی گئی، ایف بی آئی

جمعرات کو جاری ہونے والے ایک پول میں دیکھا گیا کہ دونوں امیدوار قومی سطح پر ایک دوسرے سے زیادہ فاصلے پر نہیں ہیں، اور اعداد و شمار نے دونوں کو قریب قریب باندھ رکھا ہے، بائیڈن 50 فی صد کے ساتھ ٹرمپ کے 48 فی صد سے ذرا ہی آگے ہیں۔

پولز بتاتے ہیں کہ ایسا کوئی دوسرا قابل ذکر ڈیموکریٹک امیدوار موجود نہیں ہے جو ٹرمپ کے خلاف جو بائیڈن کو پیچھے چھوڑ سکے۔