کلکتہ: بھارت میں بند پھاٹک پر پھنسی گاڑی ٹرین کی زد میں آگئی، جس کی ویڈیو بھی سوشل میڈیا وائرل ہوگئی۔
غیر ملکی ذرائع ابلاغ کے مطابق مسافر بڑے حادثے سے بال بال بچ گئے۔ کھردہ لیول کراسنگ کا گیٹ رات ساڑھے نو بجے بند کر دیا گیا۔ اس وقت ڈاؤن ہزاردواری ایکسپریس تیز رفتاری کے ساتھ وہاں سے گزر رہی تھی۔
اسی وقت ایک گاڑی ریلوے ٹریک اور لیول کراسنگ کے درمیان پھنس گئی۔ ایکسپریس ٹرین لیول کراسنگ میں پھنسی گاڑی کو ٹکر مارتے ہوئے نکل گئی۔ اس واقعے کوئی بھی زخمی نہیں ہوا۔
At 20:40 hrs, Down Hazaduari Express near Khardaha collided with a car at a level crossing. The driver fled, leaving the vehicle stranded. Thankfully, no casualties reported. #EasternRailway filed an FIR and urges adherence to level crossing safety protocols to prevent accidents. pic.twitter.com/KGgR3WngW2
— Tirthankar Das (@tirthajourno) July 14, 2024
ایکسپریس ٹرین اور گاڑی کی ٹکر کا سارا واقعہ لیول کراسنگ کے قریب نصب سی سی ٹی وی کیمرہ میں قید ہوگیا۔ واقعے کے بعد ریلوے پولیس اور ریلوے کے بڑے افسران جائے وقوع پر پہنچ گئے۔
ذرائع کا کہنا ہے کہ حادثے کی وجہ سے ایکسپریس ٹرین کھردہ ریل گیٹ کے لیول کراسنگ روک دی گئی اور کھردہ اسٹیشن کے پلیٹ فارم نمبر 4 لائن پر آدھے گھنٹے سے زائد ٹرینوں کی آمدورفت کو معطل کردیا گیا۔
کھدائی کے دوران سونے چاندی کے سکے اور زیورات برآمد
عینی شاہدین کا کہنا ہے کہ جب دونوں کاریں ریل پھاٹک کراس کر رہی تھیں تو پھاٹک کھلا ہوا تھا۔ گیٹ مین نے اچانک ریل پھاٹک کو گرا دیا۔ دونوں پھاٹک بند ہونے کی وجہ سے خوفناک حادثہ رونما ہوا۔