اسلام آباد : حکومت کی جانب سے ختم کی جانے والی وزارتوں کے ملازمین کے مستقبل کے حوالے سے مختلف تجاویز تیار کرلی گئیں۔
تفصیلات کے مطابق وفاقی حکومت نے آئی ٹی، صنعت وپیداوار، صحت،کشمیرامور اور سیفران کی وزارتوں کو ختم کرنے کا منصوبہ تیار کر لیا۔
تیس جولائی تک پانچ وزارتوں کو ختم اور ملازمین کا حتمی فیصلہ کر لیا جائے گا، ان وزارتوں کے ملازمین کے حوالے سے مختلف تجاویز تیارکی جا رہی ہیں۔
ذرائع نے بتایا کہ ریٹائرمنٹ کے قریب ملازمین کو گولڈن ہینڈ شیک پیکج دیا جا سکتا ہے یا ان وزارتوں کے ملازمین کو دیگر وزارتوں میں ضم کئے جانے کی بھی تجویز ہے۔
متاثرہ ملازمین کو سرپلس پول میں بھی شامل کرنے کی تجویز زیر غور ہے۔
متعلقہ وزارتوں کیساتھ مل کر ادارہ جاتی ریفارمز سیل نے تجاویز مرتب کر لی ہیں، متاثرہ ملازمین کو کیا پیکج دیا جائے اس ضمن میں ، آئی ایم ایف سے بھی مشاورت کی جائے گی۔