چین سے 15 ارب ڈالر کے توانائی قرضوں کی ری شیڈولنگ کے اہم ٹاسک پر وزیر خزانہ محمد اورنگزیب کل چین کا دورہ کریں گے۔
ذرائع کے مطابق دورہ چین کے دوران وزیرخزانہ 15 ارب ڈالر کے توانائی قرض کی ری شیڈولنگ پر بات کریں گے قرض کی ری شیڈولنگ کیلئے پاک چین مشترکہ ورکنگ گروپ قائم کیا جائے گا۔
ذرائع کا کہنا ہے کہ چین کے توانائی کے سرکلرڈیٹ سے متعلق امور پر بھی تبادلہ خیال ہو گا۔ چین کےتوانائی سرکلر ڈیٹ کا حجم 465 ارب روپے کے لگ بھگ ہے۔
وزیر خزانہ محمد اورنگزیب دورہ چین میں پانڈا بونڈز پر بھی بات چیت کریں گے۔ پاکستان چائنہ میں 25 کروڑ ڈالر کا پانڈا بونڈز حاصل کرنا چاہتا ہے۔