بالی ووڈ کی اداکارہ و ماڈل جیسمین بھسین آنکھ کی بینائی متاثر ہونے کے بعد پہلی بار منظر عام پر آگئیں۔
گزشتہ دنوں اداکارہ جیسمین بھسین کی بینائی متاثر ہونے کی خبر سوشل میڈیا پر زیر گردش تھیں، جس کے بعد انٹریوں میں اداکارہ نے بتایا تھا کہ وہ دہلی موجود تھیں اور ایک تقریب میں شرکت کی تیاری کر رہی تھیں، جب انہوں نے لینس لگائے تو انہیں تھوڑی دیر بعد آنکھوں میں تکلیف ہونے لگی۔
انہوں نے بتایا تھا کہ نہیں جانتی کہ لینس لگانے کی وجہ سے ایسا کیوں ہوا مگر آنکھوں میں درد ہونے لگا جو آہستہ آہستہ شدت اختیار کر گیا، چونکہ تقریب میں شرکت کا وعدہ کیا تھا اس لیے ڈاکٹر سے رجوع کرنے سے پہلے وہاں جانا پڑا۔
View this post on Instagram
تاہم اب اس انجری کے بعد پہلی بار انہیں ممبی کی ائیرپورٹ پر دیکھا گیا، ویڈیو میں جیسمین کو اپنی گاڑی سے باہر نکلتے ہوئے دیکھا گیا، انہوں بلیک چشمہ پہن رکھا تھا۔
ویڈیو میں سنا جاسکتا ہے کہ جب پاپرازی نے اداکارہ سے پوچھا کہ وہ اب کیسی ہے، تو انہوں نے تھمب اپ کیا مسکرا دی، اداکار نے پاپرازی سے کہا کہ وہ تصویر کلک کرتے وقت فلیش کا استعمال نہ کریں۔
پاپرازی کے سامنے پوز دینے کے بعد جیسمین نے اپنا چشمہ بھی اتار دیا، ایک پاپرازی نے اُن سے کہا کہ وہ اپنا خیال رکھیں جس کے جواب میں اداکارہ نے کہا کہ ’آپ مجھے اپنی دعاؤں میں رکھیں۔
واضح رہے کہ اداکارہ و ماڈل فی الحال ٹی وی شوز میں نظر نہیں آ رہی لیکن اکثر الی گونی سے معاشقے کی وجہ سے خبروں میں رہتی ہیں۔