شوبز انڈسٹری کے معروف رائٹر اور ہدایت کار خلیل الرحمان قمر نے کہا کہ اغوا کے واقعے کے بعد اہلیہ نے دکھ بھری آواز میں کہا تھا ملک چھوڑ دو۔
پاکستانی ڈرامہ انڈسٹری کے نامور ہدایت کار خلیل الرحمان قمر نے ایک پوڈ کاسٹ میں شرکت کی اور اپنے اغوا کے واقعے سے متعلق اظہار خیال کیا۔
انہوں نے کہا کہ میری اہلیہ مضبوط خاتون ہیں لیکن اغوا کے واقعے پر ان کو بھی دکھ ہوا، اہلیہ نے دکھ بھری آواز میں کہا کہ یہ ملک چھوڑ دو۔
خلیل الرحمان نے ماضی کا واقعہ بیان کرتے ہوئے کہا کہ ’مجھے یاد ہے کہ ایک بڑے ہی پاور فل شخص نے چار گھنٹے کی ملاقات میں مجھے سمجھایا کہ مرشد دو تین سال کے لیے یہ ملک چھوڑتے ہیں لیکن میرا عشق میری اس مٹی سے ہے، میں ملک چھوڑ کر کہیں نہیں جاؤں گا۔
View this post on Instagram
واضح رہے کہ چند روز قبل یہ خبر سامنے آئی تھی کہ ایک خاتون کی سربراہی میں گینگ نے ہدایتکار خلیل الرحمٰن قمر کو ڈرامہ بنانے کے بہانے بلا کر اغوا کر لیا تھا۔
اغواکاروں نے خلیل الرحمان قمر کو مبینہ تشدد کا نشانہ بنایا تھا اور ان سے نقدی رقم اور سامان بھی لوٹ لیا تھا۔
خلیل الرحمان قمر کو اغوا کیے جانے کے بعد پولیس نے مقدمہ درج کرتے ہوئے ان کے اغوا میں ملوث مرکزی ملزمہ آمنہ عروج سمیت دیگر افراد کو گرفتار کر لیا تھا۔