اسلام آباد : معاشی درجہ بندی کے ادارے فچ کا کہنا ہے کہ آئی ایم ایف ایگڑیکٹو بورڈ اجلاس کی منظوری سے قبل باہمی معاہدوں کے قرض کو رول اوور کرانا ہوگا۔
تفصیلات کے مطابق معاشی درجہ بندی کے ادارے فچ نے پاکستان کی ریٹنگ بہتر کردی اور رپورٹ میں کہا کہ آئی ایم ایف ایگڑیکٹو بورڈ اجلاس کی منظوری سے قبل باہمی معاہدوں کے قرض کو رول اوور کرانا ہوگا اور پاکستان کو چین،سعودی عرب،یو اے ای سے باہمی معاہدوں کے قرض کو رول اوور کرانا ہوگا۔
رپورٹ میں کہنا تھا کہ پاکستان نے حالیہ وفاقی بجٹ میں معیشت کی بہتری کیلئے پالیسی اقدامات کیے ہیں، پاکستان کو ٹیکس ٹو جی ڈی پی شرح بڑھانے کیلئے مزید 3فیصد اضافے کی ضرورت ہے.
رپورٹ میں مزید کہا گیا کہ آئی ایم ایف کوانرجی شعبےاورریاستی ملکیتی اداروں میں اسٹرکچرل اصلاحات کی یقین دہانی کرائی گئی، پاکستان نے آئی ایم ایف کیساتھ زرعی آمدن پر ٹیکس عائد کرنے کیلئے قانون سازی کی یقین دہانی کرائی۔
ادارے نے کہا کہ اسٹینڈ بائی ارینجمنٹ معاہدے میں رہتے ہوئے پاکستان نے بہتر کارکردگی دکھائی ہے۔
معاشی درجہ بندی کے ادارے نے پاکستان کا درجہ ٹرپل سی پلس کر دیا ہے ، اس سے پہلے پاکستان کی ریٹنگ ٹرپل سی تھی، درجہ بندی میں بہتری کی اہم وجہ آئی ایم ایف کا نیا قرض پروگرام ہے ، آئی ایم ایف نے پاکستان کو 7ارب ڈالر کی قرض دینے کی یقین دہانی کرائی۔
پاکستان کی ریٹنگ 7 ماہ کے بعد بہتر کی گئی ہے ، دسمبر 2023 سے پاکستان کی ریٹنگ ٹرپل سی تھی۔