خلیل الرحمان قمر کے اغوا کا ماسٹرمائنڈ پکڑا گیا

لاہور : ڈرامہ نگار خلیل الرحمان قمر کو اغوا کرنے والے گینگ کے ماسٹرمائنڈ کو ساتھی سمیت گرفتار کرلیا گیا۔

تفصیلات کے مطابق ڈرامہ نگار خلیل الرحمان قمر ہنی ٹریپ کیس میں بڑی پیش رفت سامنے آئی، پولیس نے گینگ کے ماسٹر مائنڈ کو ساتھی سمیت گرفتار کرلیا۔

پولیس نے بتایا کہ ملزم حسن شاہ اورساتھی رفیق کوپشاور سےگرفتارکیاگیا، ملزم خواتین سمیت 12 ارکان پر مشتمل گروہ کامرکزی کردار ہے تاہم خاتون سمیت12ملزمان کوپہلےگرفتارکیاجاچکاہے۔

پولیس کا کہنا تھا کہ ملزم  نے ڈرامہ نگار کی قابل اعتراض ویڈیو بھی وائرل کی۔

ملزم حسن شاہ نے پولیس کو بیان میں کہا کہ  ڈرامہ نگار  نے نازیبا ویڈیوز کی وجہ سے اغواکا واویلا کیا۔

مزید پڑھیں: ڈرامہ نگار خلیل الرحمان قمر کو جھانسہ دینے والی ملزمہ آمنہ عروج کا بیان سامنے آگیا

یاد رہے ڈرامہ نگار کو اغوا کرنے والی خاتون کو گینگ سمیت گرفتار کیا گیا تھا ، ڈی آئی جی عمران کشور کا کہنا تھا کہ خلیل الرحمن قمر کا موبائل ڈیٹا ریکور کرنے کے بعد ملزم آمنہ عروج کو گرفتار کرکے اس کے ذریعے باقی ملزموں تک پہنچے، بلیک میلرگروہ میں دو خواتین بھی شامل ہیں۔

ذرائع کے مطابق ملزمہ گوجرانوالہ کی رہائشی اورہائی پروفائل افراد کو جھانسہ دیکر رقوم بٹورتی ہے۔

بعد ازاں ڈرامہ نگار کو جھانسہ دینے والی ملزمہ آمنہ عروج نے ریکارڈ کرائے گئے بیان میں کہا تھا کہ خلیل الرحمان سے10 سے 15 دن تک بات ہوئی، فون کے ذریعے ان سے چیٹ ہوئی اور تصاویر کا تبادلہ ہوا، انھوں نے ملنے کا کہا، تب میں نے گھر بلالیا۔