سعودی عرب مکہ مکرمہ میں سرکاری املاک چوری کرنے پر 8 افراد کو حراست میں لے لیا گیا، جن میں 4 غیر ملکی اور 4 سعودی شہری شامل ہیں۔
سعودی خبر رساں ادارے کی رپورٹ کے مطابق امن عامہ فورس کا ایکس (ٹوئٹر) اکاؤنٹ پر کہنا تھا کہ حراست میں لئے گئے افراد میں 4 غیر ملکیوں کا تعلق مصر اور نائجیریا سے ہے۔
بیان کے مطابق گرفتار کئے گئے افراد سرکاری املاک چوری کرکے اس کی وڈیوز اور تصاویر سوشل میڈیا پر اپلوڈ کرتے تھے۔
📹 | إدارة التحريات والبحث الجنائي بشرطة العاصمة المقدسة تقبض على (8) أشخاص لسرقتهم مرفقًا عامًا. pic.twitter.com/2OyLBKLxCn
— الأمن العام (@security_gov) July 28, 2024
امن عامہ کی جانب سے جاری کئے گئے بیان میں مزید کہا گیا ہے کہ تحقیقات کے بعد تمام لوگوں کو گرفتار کرکے ان کے خلاف ضروری کارروائی مکمل کرکے پبلک پراسیکیوشن کے حوالے کردیا گیا ہے۔
اس سے قبل سعودی عرب میں خاتون کو ہراساں کرنے پر سیکیورٹی فورسز نے بھارتی شہری کو حراست میں لے لیا تھا۔
الاحساء گورنریٹ کی پولیس کا اس حوالے سے کہنا ہے کہ بھارتی شہری دلاور حسین کو الشرقیہ میں گرفتار کرلیا گیا ہے۔ حراست میں لئے گئے شخص کے خلاف شکایت تھی کہ اس نے خاتون کو ہراساں کیا ہے۔
خبردار! اِن مقامات پر گاڑی کا ہارن ہرگز نہ بجائیں؟
پولیس کی جانب سے اپنے سوشل میڈیا اکاؤنٹ ایکس (ٹوئٹر) پر اس بارے میں ویڈیو بھی شیئر کی گئی ہے اور کہا ہے کہ بھارتی شہری کے خلاف قانونی کارروائی کے بعد اسے پبلک پراسیکیوشن کے سپرد کردیا گیا ہے۔