موت کا وقت متعین اور جگہ مقرر ہے جیسا کہ اس گھڑ سوار نوجوان کے ساتھ ہوا جو جو چند لمحوں میں ہی موت کا شکار ہوگیا۔
بعض اوقات ایسے ناقابل یقین واقعات پیش آتے ہیں کہ جس کو دیکھ کر بھی یقین نہیں آتا جیسا کہ اس گھڑ سوار نوجوان کے ساتھ ہوا۔ جو ایک سنسان سڑک پر گھڑ سواری سے لطف اندوز ہو رہا تھا کہ اچانک موت نے آ لیا۔
غیر ملکی میڈیا کےمطابق یہ واقعہ بھارتی ریاست آندھرا پردیش کا ہے جس کے ضلع کرنول کے مدی کیری منڈل کے علاقے میں ایک نوجوان قدرے سنسان سڑک پر گھڑ سواری کر رہا تھا اور اچانک توازن کھو کر نیچے گر پڑا اور شدید زخمی ہوگیا۔
قریب سے گزرنے والے موٹر سائیکل سوار شخص نے دیگر کی مدد سے اسے اسپتال پہنچایا تاہم وہ جانبر نہ ہوسکا۔ متوفی کی شناخت پرتھوی راج کے نام سے ہوئی ہے۔
یہ ویڈیو سوشل میڈیا پر بھی وائرل ہوگئی اور صارفین نوجوان کی ناگہانی موت پر افسوس کا اظہار کر رہے ہیں۔