چین کا قرض رول اوور کرنے کے لئے پاکستان سے بڑا مطالبہ

اسلام آباد : چین نے قرض رول اوور کرنے کے لئے پاکستان سے بڑا مطالبہ کردیا، چین سمیت 3 ممالک کی جانب سے 12 ارب کا رول اوور کرانے کا امکان ہے۔

تفصیلات کے مطابق چین نے قرض رول اوور کیلئے شرح سود میں اضافہ، چینی آئی پی پیزادائیگیاں کلیئر کرنے کیلئے شیڈول کا مطالبہ کردیا ہے۔

وزارت خزانہ ذرائع نے بتایا کہ چین نے 2 فیصد تک مزید شرح سود بڑھانے کا مطالبہ کیا تاہم مشکل معاشی صورتحال پر شرح سود نہ بڑھانے کی درخواست کی گئی۔

ذرائع کا کہنا ہے کہ یو اے ای کی جانب سے مجموعی طور پر 3 ارب ڈالر ڈیپازٹ اسٹیٹ بینک میں رکھوائے گئے، جس میں ایک ارب ڈالر پر 3 فیصد اور ایک ارب ڈالر پر 6.5 فیصد تک شرح سود عائد ہے۔

ذرائع کے مطابق رواں مالی سال کیلئے قرضہ رول اوور پر آئی ایم ایف کو بھی اعتماد میں لیاجائے گا، وزیراعظم آفس ،وزارت خزانہ 3سے 5سال کیلئے میچورٹی ٹائم بڑھانے کیلئے بات جلد فائنل کریں گے۔