کراچی: بھارت جانے والی ایک پرواز کو کراچی میں میڈیکل ایمرجنسی لینڈنگ کرنی پڑ گئی۔
تفصیلات کے مطابق عمانی ایئر لائن کی بھارت جانے والی پرواز نے کراچی ایئرپورٹ پر میڈیکل ایمرجنسی لینڈنگ کی ہے، پرواز او ایم 773 مسقط سے کیرالا کے شہر کوزی کوڈ جا رہی تھی۔
معلوم ہوا کہ دوران پرواز عمان کے ایک 60 سالہ مسافر ناصر بن عبداللہ بن سیف کو دل میں اچانک تکلیف ہوئی تھی، جس پر طیارے کے عملے نے کراچی میں اترنے کی اجازت مانگی، اور ان کو لینڈنگ کی اجازت دی گئی۔
گزشتہ روز پیش آنے والے اس واقعے میں بیمار مسافر کو ان کی اہلیہ اور بیٹی کے ہمراہ آف لوڈ کر کے فوری طبی امداد کے لیے کراچی کے ایک نجی اسپتال منتقل کیا گیا۔
ایئرپورٹ ذرائع کے مطابق یہ پرواز مسقط سے بھارتی ریاست کیرالا جا رہی تھی، اور طیارے میں 150 سے زائد مسافر سوار تھے۔