اسلام آباد : وزیراعظم شہباز شریف نے سابق نگراں وفاقی وزیر محمد علی کو معاون خصوصی برائےتوانائی تعینات کردیا۔
تفصیلات کے مطابق سابق نگراں وفاقی وزیر محمدعلی شہبازشریف کابینہ کا حصہ بن گئے۔
وزیراعظم نے محمد علی کو معاون خصوصی برائےتوانائی تعینات کردیا ، جس کے بعد کابینہ ڈویژن نے نئے معاون خصوصی کی تعیناتی کا نوٹیفکیشن جاری کردیا۔
نوٹیفکیشن میں کہا گیا کہ معاون خصوصی محمد علی کا عہدہ وزیرمملکت کے برابر ہوگا اور بطورمعاون خصوصی محمد علی کی تعیناتی کا اطلاق فوری ہوگا۔
محمد علی نگراں دور میں وفاقی وزیر برائے توانائی و پیٹرولیم رہ چکے ہیں جبکہ ماضی میں انھوں نےآئی پی پیز سے مذاکرات اور فرانزک آڈٹ کی سفارش کی تھی۔