بھارت کے اسکولوں میں زہریلا کھانا کھانے کے سبب سیکڑوں طالب علموں کی حالت بگڑ گئی، جنہیں طبی امداد کی فراہمی کیلئے اسپتال منتقل کردیا گیا۔
بھارتی میڈیا کا اس حوالے سے کہنا ہے کہ یہ واقعہ مہاراشٹرا کے ضلع پالگھر میں پیش آیا جہاں 20 آشرم اسکولوں میں زہریلا کھانا کھانے سے 250 طالب علموں کی حالت بگڑ گئی۔
میڈیا رپورٹس میں کہا گیا ہے کہ طالب علموں نے رات کا کھانا کھانے کے کچھ ہی دیر بعد الٹی اور چکر آنے کی شکایت کی جس کے بعد اساتذہ نے طالب علموں کو فوری اسپتال منتقل کیا۔
ڈاکٹرز کا کہنا ہے کہ اسپتال لائے گئے طالب علموں میں فوڈ پوائزنگ کی تشخیص ہوئی ہے، 150 طالب علم اسپتال میں زیر علاج ہیں جب کہ دیگر طالب علموں کو طبی امداد دینے کے بعد روانہ کردیا گیا تھا۔
شیخ حسینہ واجد کی سیاسی جماعت کے 29 رہنماؤں کی لاشیں برآمد
معاملہ سامنے آنے پر فوڈ اینڈ ڈرگ انتظامیہ سمیت پولیس بھی حرکت میں آگئی اور فراہم کئے جانے والے کھانے کے نمونے حاصل کرکے جانچ کیلئے لیبارٹری روانہ کردیئے گئے ہیں۔