کتنے پاکستانی سوشل میڈیا کا استعمال کرتے ہیں؟ گیلپ سروے

دنیا بھر کی طرح پاکستان میں بھی سوشل میڈیا کا استعمال بڑھ چکا ہے اس حوالے سے گیلپ پاکستان کی جانب سے سروے کیا گیا ہے۔

گیلپ پاکستان کی جانب سے پاکستانیوں کے سوشل میڈیا کے استعمال سے متعلق ایک سروے کیا گیا ہے جس کے مطابق ہر پانچ میں سے 2 پاکستانی یعنی ملک کی 40 فیصد آبادی سوشل میڈیا کا استعمال کرتی ہے جب کہ 60 فیصد افراد کا سوشل میڈیا پر کوئی اکاؤنٹ نہیں ہے۔

سروے رپورٹ میں یہ بھی بتایا گیا ہے کہ 30 سال سے کم عمر کے دو تہائی مرد اور خواتین ٹک ٹاک، فیس بک، واٹس ایپ، انسٹا گرام سمیت دیگرسوشل میڈیا ایپس اور سائٹ کا استعمال کرتے ہیں۔

رپورٹ میں یہ دلچسپ انکشاف بھی سامنے آیا ہے کہ خواتین کی نسبت مردوں کے سوشل میڈیا اکاؤنٹ کی شرح زیادہ ہے جب کہ 1994 کے بعد پیدا ہونے والے نوجوانوں کی اکثریت سوشل میڈیا کا استعمال کرتی ہے۔

سب سے زیادہ شرح 62 فیصد ان افراد کی ہے جن کی عمر 30 سال سے کم ہے اور وہ سوشل میڈیا پر اپنے اکاؤنٹس رکھتے ہیں۔ 30 سے 50 سال اور اس سے زائد عمر کے صرف 30 فیصد افراد ہی فیس بُک، ٹوئٹر، واٹس ایپ اور انسٹا گرام استعمال کرتے ہیں۔

سب سے زیادہ شرح باسٹھ فیصد تیس سال سے کم عمر نوجوان کی ہے، جو سوشل میڈیا اکاؤنٹس رکھتے ہیں،،، تیس سے پچاس سال اور پچاس سال سےزائد عمر کے صرف تیس فیصد افراد کے فیس بک، ٹوئٹر، انسٹاگرام اور واٹس ایپ پر اکاؤنٹ ہیں۔