دورہ پاکستان کیلیے بنگلہ دیش کے ٹیسٹ اسکواڈ کا اعلان

بنگلہ دیش کرکٹ بورڈ نے رواں ماہ پاکستان کے خلاف دو ٹیسٹ میچوں پر مشتمل سیریز کے لیے 16 رکنی اسکواڈ کا اعلان کر دیا ہے۔

پاکستان اور بنگلہ دیش کے درمیان دو ٹیسٹ میچوں پر مشتمل سیریز رواں ماہ کھیلی جائے گی جو آئی سی سی ٹیسٹ چیمپئن شپ کا حصہ ہے۔

بنگلہ دیش کے کشیدہ حالات کے پیش نظر بنگلہ ٹیم مقررہ شیڈول سے پانچ روز قبل آج پاکستان کے لیے روانہ ہوگی اور 14 سے 16 اگست تک قذافی اسٹیڈیم میں ٹریننگ کرے گی۔

بنگلہ دیش کرکٹ بورڈ نے دورہ پاکستان کے لیے جس 16 رکنی اسکواڈ کا اعلان کیا ہے اس کی قیادت نجم الحسن شانتو ٹیم کی قیادت کریں گے جب کہ معروف آل راؤنڈر شکیب الحسن بھی اسکواڈ کا حصہ ہیں۔

بنگلہ دیش ٹیم ان کھلاڑیوں پر مشتمل ہے۔

نجم الحسن شانتو (کپتان)، محمود الحسن جوئے، ذاکر حسن، شادمان اسلام، مومن الحق، مشفق الرحیم، شکیب الحسن، لٹن کمر داس، مہدی حسن میراز، تیج الاسلام، نعیم حسن، ناہید رانا، شرف الاسلام، حسن محمود، تسکین احمد اور سید خالد احمد۔

واضح رہے کہ دونوں ٹیموں کے درمیان سیریز کا پہلا ٹیسٹ میچ 21 سے 25 اگست تک راولپنڈی کرکٹ اسٹیڈیم جبکہ دوسرا ٹیسٹ کراچی میں 30 اگست سے 3 ستمبر تک ہوگا۔

اسی دوران بنگلہ دیش کی اے ٹیم پاکستان شاہینز کے خلاف بھی ون ڈے اور ٹی ٹوئنٹی میچز کھیلے گی۔

پاکستان کرکٹ بورڈ پہلے ہی بنگلہ دیش کے خلاف ٹیسٹ سیریز کے لیے اپنے اسکواڈ کا اعلان کر چکا ہے۔ شان مسعود قیادت کریں گے جب کہ سعود شکیل ان کے نائب ہوں گے۔