کراچی: پاکستان اسٹاک ایکسچینج میں لسٹڈ کمپنیز کے حوالے سے اہم اعلان کیا گیاہے۔
تفصیلات کے مطابق مارگن اینڈ اسٹینلےکیپٹل انٹرنیشنل نے پاکستان کی 7 کمپنیوں کو انڈیکس میں شامل کر لیا۔ ایم ایس سی آئی کے انڈیکسز میں شامل پاکستانی کمپنیوں کی تعداد 82 ہوگئی۔
ایم ایس سی آئی نے سہ ماہی جائزے کے بعدپاکستانی کمپنیزکی درجہ بندی جاری کی ہے۔ ماہرین کا کہنا ہے کہ پاکستانی کیپٹل مارکیٹ میں بیرونی سرمایہ کاری میں اضافہ ہو گا۔
اسٹاک مارکیٹ میں چائنیز انویسٹمنٹ اور کمپنیز کی لسٹنگ کیلئے روڈ میپ تیار کرلیا گیا۔ رواں سال جوالائی میں سیکیورٹیز اینڈ ایکسچینج کمیشن اوراسٹاک ایکسچینج میں اہم اجلاس ہوا تھا جس کی صدارت چیئرمین ایس ای سی پی عاکف سعید اور کمشنر عبد الرحمان وڑائچ نے کی تھی۔
اجلاس میں اسٹاک مارکیٹ کی ترقی کیلئے اہم اقدامات اٹھانے پر اتفاق کیا گیا اور اسٹاک مارکیٹ میں چائنیز انویسٹمنٹ اور کمپنیز کی لسٹنگ کیلئے روڈ میپ تیار کیا گیا۔
اجلاس میں کپیٹل مارکیٹ کو وسعت دینے میں درپیش چیلنجوں ، مسائل اور ان سے نمٹنے کے لئے حکمت عملی پر غور کیا گیا۔ اجلاس میں کہا گیا کہ دونوں ممالک کے مارکیٹ کے ریگولیٹر ، اور چین کی قابل ذکر اسٹاک مارکیٹوں کے شرکائکے ساتھ روابط اور تعاون کو بڑھانے کی کوشش کی جائے گی اور مارکیٹ میں سرمایہ کاروں کی تعداد بڑھانے کیلئے پالیسیز میں نرمی ہوگی۔