پاکستان کے پاس اربوں ڈالر کے آرڈرز لینے کا موقع

اسلام آباد: سابق نگراں وزیر تجارت گوہر اعجاز نے کہا ہے کہ بنگلہ دیش سے5 ارب ڈالرز کے مغربی گارمنٹس برانڈزکے آرڈرز پاکستان کو مل سکتے ہیں۔

اپنے بیان میں گوہر اعجاز نے بتایا کہ پاکستان کے پاس صرف 2 ہفتوں کا وقت ہے جس کے بعد یہ آرڈر بھارت ، ویتنام اور کمبوڈیا کو مل جائیں گے۔

انہوں نے کہا کہ پاکستان میں ٹیکسٹائل انڈسٹری 16 سینٹ پر نہیں چل سکتی موجودہ ٹیکسوں کے باعث سپلائی چین نہیں چل رہی۔

سابق وزیر نے مطالبہ کیا کہ صنعتوں کے لیے بجلی کی قیمت 9 سینٹ کی جائے، ایس آر او 1125کےتحت ٹیکسٹائل صنعت کی مقامی سپلائی چین بحال کی جائے تاکہ 5 ارب ڈالرز ملنے سے پاکستان کی معیشت کو فائدہ ہو اور لوگوں کو روزگار ملے۔