خیرپور : زہریلا دودھ پینے سے ایک ہی خاندان کے 6 افراد جاں بحق ہوگئے ، ورثا کا کہنا ہے کہ اسپتال میں انتظامات اورڈاکٹرزنہ ہونے سے بچوں کی اموات ہوئیں۔
تفصیلات کے مطابق خیرپور کے کچے کے علاقے گاؤں ہیبت بروہی میں مبینہ طور پر زہریلا دودھ پینے سے ایک ہی خاندان کے دس افراد بے ہوش ہوگئے ، جنہیں تشویشناک حالت میں اسپتال منتقل کیا گیا ، جن میں سے چھ افراد زندگی کی بازی ہار گئے۔
چار بچوں کی حالت اب تک تشویشناک ہے، جن میں مریم، حاجانی، منظور، محمد بخش شامل ہیں جبکہ مقتولین کی شناخت دلبر، غلام اصغر، فہمیدہ، گنج بیبی، سونیا اور دیگر شامل ہیں
چھ لاشیں علاقے میں پہنچنے پر سوگ کا سماں ہو گیاہے، گھر میں قہرام مچ گیا ہے، گاون میں ہر آنکھ اشک بار ہو گئی۔
ورثا نے الزم عائد کیا ہے کے اسپتالوں میں انتظامات اور ڈاکٹرز موجود نہیں تھے، جس کی وجہ سے ہمارے بچوں کے ہلاکتیں ہوئی ہیں غفلت برتنے والے عملے کے خلاف سخت کارروائی کی جائے۔
دوسری جانب بارش کے بعد کچے سے بچوں کو سول اسپتال منتقل کرنے پر دیر ہونے کے وجہ سے بچوں کی حالت زیادہ خراب ہو گئی جس کے وجہ سے اموات زیادہ ہوئی ہیں۔
ڈاکٹرز کا کہنا ہے کہ کھانے میں کوئی زہریلی چیز تھی جس کے وجہ سے اتنی اموات ہوئی ہیں ٹیسٹ میں پتہ چل جائے گا کون سے چیز تھی جس کے وجہ سے یہ واقعہ پیش آیا ہے۔
کمشنر سکھر نے ڈپٹی کمشنر خیرپور واقعے سے متعلق رپورٹ طلب کرلی ہے ، پولیس کا کہنا ہے کہ جاں بحق افرادکاتعلق ایک ہی خاندان سےہے تاہم تفتیش کی جارہی ہے زہریلا دودھ کہاں سے آیا۔
وزیرداخلہ سندھ ضیالنجار نے زہریلا دودھ پینے سے 6 افراد کے جاں بحق ہونے کانوٹس لیتے ہوئے ایس ایس پی سے رپورٹ طلب کرلی ہے۔