بھارتی ٹیم کے فاسٹ بولر جسپریت بمراہ کا کہنا ہے کہ کسی بھی ملک میں کرکٹ ٹیم کی کپتانی کے لئے فاسٹ بولرز بہترین انتخاب ہوسکتے ہیں۔
بھارتی میڈیا کو دیئے گئے ایک انٹرویو میں فاسٹ بولر جسپریت بمراہ کا کہنا تھا کہ مجھے لگتا ہے کہ بولرز ہوشیار ہوتے ہیں کیونکہ انہیں بیٹر کو آؤٹ کرنا ہوتا ہے اس لیے بولرز کا کام مشکل ہوتا ہے۔
اُن کا کہنا تھا کہ کھیل کے دوران بولرز پر کافی زیادہ چیزیں انحصار کرتی ہیں اور جب کوئی ٹیم میچ ہار جاتی ہے تو اکثر ناکامی کا ذمے دار بولرز کو ہی قرار دیا جاتا ہے۔
جسپریت بمراہ نے کہا کہ ہم سب نے ابھی حال ہی میں پیٹ کمنز کی کپتانی دیکھی اور بچپن میں وسیم اکرم اور وقار یونس کو بھی بطور کپتان دیکھا، کپل دیو نے بھارت کے لیے ورلڈ کپ جیتا اور عمران خان نے پاکستان کے لیے ورلڈ کپ جیتا، کیونکہ بولرز ہوشیار ہوتے ہیں۔
رونالڈو ریٹائرمنٹ کے بعد کیا کریں گے؟ اہم انکشاف
واضح رہے کہ 30 سالہ جسپریت بمراہ نے حال ہی میں بھارت کو ٹی 20 ورلڈ کپ جتوانے میں بنیادی کردار ادا کیا تھا اور اپنی شاندار بولنگ کے سبب انہیں ٹورنامنٹ کا بہترین کھلاڑی بھی قرار دیا گیا تھا۔