کراچی : پاکستان میں سونے کی قیمتوں نے تمام سابقہ ریکارڈ توڑ دیئے اور فی تولہ سونا تاریخ کی بلند ترین سطح پر پہنچ گیا۔
تفصیلات کے مطابق عالمی مارکیٹ میں سونے کی قیمتوں میں اضافے کی وجہ سے پاکستان کے صرافہ بازاروں میں بھی سونے کی قیمتوں میں اضافے کا رجحان برقرار ہے۔
سونے کی قیمت آج مزید بڑھ گئی اور 800 روپے کے اضافے سے فی تولہ سونا 2 لاکھ 61 ہزار800 روپے پر جاپہنچا۔
جیولرز ایسوسی ایشن نے بتایا 10 گرام سونے کی قیمت 686 روپے کے اضافے سے 2لاکھ 24 ہزار451 روپے ہوگئی۔
عالمی مارکیٹ میں آج فی اونس سونا8 ڈالر کی کمی سے 2504ڈالر پرآگیا۔
خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
Currency Rates in Pakistan Today- پاکستان میں آج ڈالر کی قیمت (arynews.tv)
سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔