بھارتی فضائیہ نے انتہائی خطرناک غلطی کر دی جس کے بعد ہلچل مچ گئی اور اعلیٰ سطح پر تحقیقات کا حکم دے دیا گیا ہے۔
بھارتی میڈیا کے مطابق انڈین ایئر فورس کے ایک طیارے نے اپنے ایئر اسٹور کو چھوڑ دیا جو انتہائی خطرناک ثابت ہوسکتا تھا۔ یہ واقعہ نادانستہ طور پر پیش آیا تاہم اس کے ممکنہ سنگین نتائج کو دیکھتے ہوئے بھارتی فوج میں ہلچل مچ گئی اور اعلیٰ سطح پر تحقیقات کا حکم دے دیا گیا۔
رپورٹ کے مطبق یہ واقعہ گزشتہ روز پیش آیا جب بھارتی کے لڑاکا طیارے نے تکنیکی خرابی کی وجہ سے پوکھران فائرنگ رینج کے قریب ‘ایئر اسٹورز’ کو نادانستہ طور پر ریلیز کر دیا، یہ واقعہ اس وقت پیش آیا جب معمول کی کارروائیاں جاری تھیں۔
آئی اے ایف نے سوشل میڈیا سائٹ ایکس پر ایک پوسٹ میں اس واقعے کی تصدیق کی اور عوام کو یقین دلایا کہ کسی جانی یا مالی نقصان کی اطلاع نہیں ہے۔
بھارتی فضائیہ نے کوئی بڑا نقصان نہ ہونے کے باوجود واقعے کی اعلیٰ سطح پر تحقیقات کا حکم دے دیا ہے کیونکہ اس سے ممکنہ طور پر بڑی تباہی ہو سکتی تھی۔
ہندوستانی فضائیہ نے کہا کہ اس معاملے کی تحقیقات کا حکم دے دیا گیا ہے۔ ایسے میں سوال یہ پیدا ہوتا ہے کہ یہ ایئر سٹور کیا ہے اور کتنا خطرناک ہو سکتا ہے؟
ایئر اسٹور کیا ہوتا ہے؟
ایئر اسٹور عام طور پر فوجی زبان میں ایک خاص قسم کا سامان رکھنے کی جگہ یا کنٹینر ہوتا ہے، جو لڑاکا طیاروں پر نصب ہے۔ یہ ایئر اسٹور مختلف قسم کے مواد سے بھرے ہوتے ہیں۔ اس میں دھماکا خیز مواد جیسے بم یا میزائل، ایندھن بشمول جیٹ فیول یا ہوائی جہاز کا ایندھن اور فوجی مواد جیسے گولہ بارود، سپلائیز یا اہم سامان شامل ہے۔
ایئر اسٹورز کب استعمال کیا جاتا ہے؟
ایئر اسٹورز کو مختلف قسم کے فوجی مشنوں کے لیے استعمال کیا جاتا ہے، بشمول جنگی تیاری، لاجسٹک سپورٹ اور دیگر کارروائیوں کے لیے ساز و سامان کی نقل وحمل بھی کی جاتی ہے۔
ایئر اسٹورز ریلیز (چھوڑنے) سے کیا تباہی آ سکتی ہے؟
اگر غلطی سے لڑاکا طیارے سے ایئر اسٹورز چھوڑ دیے جائیں تو اس کے نتائج بہت خطرناک ہو سکتے ہیں۔ اگر ایئر اسٹور میں دھماکا خیز مواد موجود ہے، تو ریلیز کے بعد دھماکا ہو سکتا ہے۔ ایئر اسٹور پھٹنے سے قریبی علاقوں کو شدید نقصان پہنچ سکتا ہے، جس میں جانی ومالی نقصان اور انفرا اسٹرکچر کی تباہی بھی ہوسکتی ہے۔
اس کے علاوہ ایندھن سے بھرے ایئر اسٹور کے گرنے سے آگ لگ سکتی ہے، جس سے شعلے پھیل سکتے اور آس پاس کی اشیا اور لوگوں کو نقصان پہنچ سکتا ہے۔
اگر ایئر اسٹورز میں ضروری سامان یا فوجی ساز وسامان ہوتا ہے، تو ان کی لاجسٹک سپلائی چین میں خلل پیدا ہو سکتاہے۔ اس کا مشن کی تیاری اور آپریشن پر منفی اثر پڑ سکتا ہے۔اگر ایئر اسٹورز میں اسلحہ موجود ہے تو ان کی حادثاتی رہائی سے لڑاکا جیٹ کی جنگی صلاحیت اور فوج کے مقاصد متاثر ہو سکتے ہیں۔