جھیل کے پانی میں زہر سے ہزاروں مچھلیاں مرگئیں

بنگلادیش میں موجود دھان منڈی جھیل کے پانی میں مبینہ طور پر زہر ڈالنے کے باعث ہزاروں کی تعداد میں مچھلیاں مرگئیں۔

بنگلادیشی میڈیا کے مطابق ڈھاکہ ساؤتھ سٹی کارپوریشن نے جمعہ کے روز دھان منڈی جھیل سے تقریباً 1.5 ٹن مردہ مچھلیوں کو ٹھکانے لگایا جبکہ مقامی افراد نے دوپہر کے وقت جھیل میں ہزاروں مردہ مچھلیوں کا مشاہدہ کیا۔

حکام نے بتایا کہ خدشہ ہے کہ مردہ مچھلیوں کی تعداد مزید بڑھ جائے، تاہم مچھلیوں کی موت کی کوئی خاص وجہ فوری طور پر معلوم نہیں ہو سکی۔

ڈھاکہ ساؤتھ سٹی کارپوریشن کے افسر کا کہنا ہے کہ پانی اور مردہ مچھلیوں کے نمونے جمع کئے گئے ہیں تاکہ مچھلیوں کے مرنے کی وجہ کا علم ہوسکے۔

شمالی عراق میں ترک ڈرون حملہ، کردستان ورکرز پارٹی کے 3 ارکان ہلاک

اُن کا کہنا تھا کہ ہوسکتا ہے کہ مچھلیوں کو کسی نے ذاتی مفاد کے لیے زہر دیا ہو، ممکنہ طور پر جھیل کے ایک سابق لیز ہولڈر نے موجودہ لیز ہولڈر کے کاروبار کو خراب کرنے کے لیے یہ سب کیا ہو۔