سانحہ موسیٰ خیل میں خونریزی کئی گھروں پر قیامت ٹوٹ پڑی، ، دہشت گردوں نے ڈجکوٹ کے تاجر غلام جیلانی اور ٹوبہ ٹیک سنگھ کےحمزہ اور شہباز کوبھی قتل کیا۔
تفصیلات کے مطابق بلوچستان میں دہشت گردی کے مختلف واقعات میں اڑتیس افراد کو شہیدکردیا گیا۔
موسیٰ خیل میں دہشت گردوں نے سفاکیت کی انتہا کردی ، راڑہ شم میں ناکہ لگا کر گاڑیاں روکیں اور بسوں،ٹرکوں اور گاڑیوں سے لوگوں کو شناخت کرکے اتارا، جس کے بعد تئیس مسافروں کو گولیاں مار کر قتل کردیا، تمام جاں بحق افراد کا تعلق پنجاب سے تھا۔
موسیٰ خیل میں خونریزی کئی گھروں پر قیامت ٹوٹ پڑی، فیصل آباد کے رہائشی غلام جیلانی بیٹی کوکوئٹہ سسرال چھوڑکرواپس آرہا تھے کہ سات سال کے بیٹے کے سامنے والد کو قتل کیا گیا، مقتول کی میت کل صبح آبائی گاؤں پہنچائی جائے گی۔
ذرائع کا کہنا ہےکمسن حماد کومقتول والد غلام جیلانی کی میت کے ساتھ ہی ڈجکوٹ پہنچایا جائے گا، غلام جیلانی کے بہیمانہ قتل کے سوگ میں ڈجکوٹ میں بازارمکمل بند رہے۔
مقتول کے بڑے بیٹے نے بتایا آج ایف سی اہکارکی فون کال آئی جس نے والد کے قتل کی اطلاع دی،اہلکار نے بتایا دہشت گردوں کے حملے میں چھوٹا بھائی محفوظ ہے۔
قتل ہونے والوں میں ٹوبہ ٹیک سنگھ کے محمد حمزہ گجر،محمد شہبازبھی شامل ہیں جبکہ نوجوان طلحہ گولیاں لگنے سے شدیدزخمی ہوا،
ٹوبہ ٹیک سنگھ کے رہائشی تین نوجوان محمد حمزہ گجر ولد رفیع گجر، محمد شہباز ولد اصغر اور طلحہ ولد ارشد گجر ٹرک ڈرائیور تھے اور روزگار کے سلسلہ میں ان کا بلوچستان آنا جانا لگا رہتا تھا، چند روز قبل تینوں نوجوان ٹرک لیکر بلوچستان گئے تھے جہاں گزشتہ روز افسوسناک واقعہ پیش آیا۔
محمد حمزہ کے ورثاء کا کہنا ہے کہ ان کے بیٹے کی میت کب انہیں ملے گی کچھ معلوم نہیں،اور نہ ہی تاحال وفاقی و صوبائی حکومت یا ضلعی انتظامیہ کے کسی نمائندے نے ان سے کوئی رابطہ کیا ہے،انہوں نے وزیر اعظم میاں شہباز شریف اور وزیر اعلیٰ پنجاب مریم نواز شریف سمیت دیگر اعلیٰ ارباب اختیار سے انصاف دلوانے کا مطالبہ کردیا۔
قلات میں گھات لگائے دہشت گردوں سے مقابلے میں چار لیویز اہلکار اور پولیس اے ایس آئی حضور بخش شہیدہوگئے جبکہ اسسٹنٹ کمشنر قلات سمیت سات افراد زخمی ہوئے۔
امن دشمنوں نےہوٹل پرفائرنگ کرکےقبائلی رہنما زبرخان محمد حسنی سمیت تین افرادکوقتل کردیا جبکہ کھڈکوچہ میں تھانےکو آگ لگادی گئی۔