پیرس میں اولمپکس کے بعد پیرالمپکس کھیلوں کا آغاز ہوگیا فرانسیسی صدر ایمانویل میکرون نے رنگا رنگ تقریب میں میگا ایونٹ کا افتتاح کیا۔
پیرالمپکس میں 168 ممالک شریک ہیں، جن کے دستوں نے افتتاحی تقریب میں مارچ پاسٹ کیا جب کہ پرفارمرز نے اپنی کارکردگی سے شائقین کو محفوظ کیا۔ اس موقع پر شاندار آتشبازی سے آسمان بھی جگمگا اٹھا۔
8 ستمبر تک جاری رہنے والے ان مقابلوں میں 169 ممالک کے 4400 ایتھیلیٹس مختلف مقابلوں میں ایکشن میں نظر آئیں گے اور 22 کھیلوں کی 200 سے زائد کٹیگریز میں حصہ لیں گے۔
ایونٹ میں پاکستان کی جانب سے واحد ایتھلیٹ حیدر علی ڈسکس تھرو میں حصہ لیں گے۔ وہ پانچویں بار پیرالمپکس میں پاکستان کی نمائندگی کر رہے ہیں اور ٹوکیو میں ڈسکس تھرو ایونٹ میں گولڈ میڈل جیت چکے ہیں۔
پیرالمپکس کیلیے پیرس میں سیکیورٹی بھی سخت کر دی گئی ہے۔