مصر کے صحرا میں تیل کے نئے ذخائر دریافت ہوئے ہیں اور یہاں سے یومیہ 7 ہزار بیرل سے زائد تیل نکالا جا سکتا ہے۔
عرب میڈیا کے مطابق مصری وزارت نے تصدیق کی ہے کہ خالدہ پٹرولیم کمپنی نے مغربی صحرا کے کیبشا ڈیولپمنٹ ایریا میں تیل کا ایک نیا ذخیرہ دریافت کیا ہے۔
وزارت کے جاری بیان کے مطابق یہاں دریافت ذخیرہ زمین سے 270 گہرائی میں ہے، جس سے 7 ہزار 165 بیرل یومیہ تیل اور 23 ملین کیوبک فٹ گیس پیدا ہوگی۔
واضح رہے مصر نے جولائی میں اعلان کیا تھا کہ وہ ملک بھر میں تیل اور گیس کی تلاش کے لیے 110 کنویں کھودنے کی نگرانی کرے گا جب کہ رواں مالی سال اس کے لیے 1.2 ارب ڈالر کی سرمایہ کاری شامل کی گئی ہے۔
دوسری جانب مصر کے وزیر پٹرولیم اور معدنی وسائل کریم بدوی نے اس شعبے میں اہم شراکت داروں کے ساتھ ایک اجلاس کے دوران تیل اور گیس کی پیداوار میں اضافے کے لیے نئی مراعات کا اعلان کیا ہے۔