کراچی میں جعلی دودھ بنانے والا ایک اور کارخانہ پکڑا گیا

کراچی کے علاقے بھینس کالونی میں پانی میں کیمیکل ملاکر دودھ بنانے والا جعلی کارخانہ پکڑا گیا۔

اے ڈی جی سندھ فوڈ اتھارٹی مزمل ہالیپوٹو نے بتایا کہ کارخانے میں 750 کلو کیمیکل کے ذریعے 9 ہزار لیٹر دوھ بنایا جا رہا تھا، 480 لٹرز پانی میں کیمیکل ملاکر تیار کردہ دودھ تلف کر دیا گیا۔

مزمل ہالیپوٹو نے بتایا کہ مضر صحت دودھ بنانے والی فیکٹری کا عملہ گرفتار کر لیا گیا جس کے خلاف قانونی کارروائی کی جائے گی۔

چند روز قبل سندھ فوڈ اتھارٹی نے ملییر کے علاقے بھینس کالونی میں مضر صحت جعلی دودھ بنانے والی فیکٹری پر چھاپہ مار کر کیمیکل برآمد اور عملے کو گرفتار کیا تھا۔

فوڈ اتھارٹی حکام نے بتایا تھا کہ اس دوران 750 کلو گرام کیمیکل برآمد کرکے ضبط کیا گیا جس سے 9 ہزار لیٹر جعلی دودھ بنایا جانا تھا جبکہ 480 لیٹرز تیار جعلی دودھ کو تلف بھی کیا گیا۔

اے ڈی جی سندھ فوڈ اتھارٹی مزمل ہالیپوٹو نے کہا تھا کہ انسانی صحت کو نقصان پہنچانے والے عناصر کو کسی صورت معاف نہیں کیا جائے گا۔

اے ڈی جی سندھ فوڈ اتھارٹی مزمل ہالیپوٹو کا کہنا تھا کہ جعلی دودھ پانی میں کیمیکل ڈال کر بنایا جاتا تھا۔ کیمیکل ملا دودھ بنانے والے نیٹ ورک کے کارندے کافی عرصے سے گھناؤنا کاروبار کر رہے تھے۔

انہوں نے بتایا تھا کہ یہ جعلی اور مضر صحت دودھ بھینس کالونی کا تازہ دودھ بتا کر کراچی کے مختلف علاقوں میں سپلائی کیا جاتا تھا۔