پشاور: وزیر اعلیٰ کے پی علی امین گنڈا پور کا کہنا ہے کہ میڈیا کے حوالے سے دیےگئےاپنےبیان پر کھڑا ہوں ، میرے بیان کو توڑ مروڑ کر پیش کیاگیا۔
تفصیلات کے مطابق وزیر اعلیٰ ہاؤس میں تقریب مین علی امین گنڈا پور نے پروگراموں کا باضابطہ اجرا کیا ، جس کے تحت 200 نوجوانوں کو مارکیٹ بیسڈ ڈیجیٹل سکلز سیکھنے کے لئے انٹرنشپس فراہم کی جائیں گی اور جوائن آئی ٹی پروگرام سے نوجوانوں کو عالمی آئی ٹی کمپنیوں سے منسلک کیا جائے گا۔
اس موقع پر وزیر اعلیٰ کے پی نے کہا کہ ڈیجیٹائزیشن واحد چیز ہے جو کرپشن کو ختم کر سکتی ہے، مختلف محکموں میں گورننس کے نظام کی ڈیجیٹائزیشن پر کام جاری ہے۔
ان کا کہنا تھا کہ ہری پور میں آئی ٹی سٹی قائم کی گئی ہے ،پشاور میں آئی ٹی کمپلیکس پر کام جاری ہے اور درشل انکیوبیشن پروگرام کے تحت مزید 20 سٹارٹ اپس کا اجراکیا جائے گا
وزیر اعلیٰ کے پی نے کہا کہ میڈیا کے حوالے سے دیےگئےاپنےبیان پر کھڑا ہوں، میڈیاکےحوالےسےمیرے بیان کو توڑ مروڑ کر پیش کیاگیا، میں نےبیان میں’’کچھ‘‘کالفظ استعمال کیاتھایہ کوئی نہیں دیکھارہا۔
ان کا مزید کہنا تھا کہ کچھ صحافیوں نےبڑےبڑےکام کیےان کی کھل کر تعریف کی تھی اور جوکرپشن،قانون کی حکمرانی،عوامی مسائل پربات نہیں کرتاوہ صحیح صحافت نہیں کررہا ہے۔