فیروز کو ہمیشہ سلمان خان کہتی ہوں، حمائمہ ملک

کراچی: پاکستانی شوبز انڈسٹری کی اداکارہ حمائمہ ملک نے اپنے بھائی و نامور اداکار فیروز خان کو پاکستان کا سلمان خان قرار دے دیا۔

حمائمہ ملک نے بھارتی صحافی کو دیے گئے انٹرویو میں کہا کہ میں تو ہمیشہ اپنے بھائی کو سلمان خان ہی کہتی ہوں کیونکہ ان کی بہت زیادہ فین فالوونگ ہے۔

انٹرویو میں حمائمہ ملک نے کہا کہ فیروز کا اسٹارڈم یقینی طور پر سلمان خان جیسا ہے، مستقبل میں بھائی کا طویل کیریئر دیکھ رہی ہوں اور وہ ضرور امیتابھ بچن کی طرح لیجنڈ بنیں گے۔

حمائمہ ملک نے بتایا کہ فیروز خان کے مداح ہر جمعے گھر کے سامنے جمع ہو کر ان سے اپنی محبت کا اظہار کرتے ہیں۔

عمران ہاشمی کی پاکستان آمد

یاد رہے کہ اسی انٹرویو میں حمائمہ ملک نے عمران ہاشمی کی پاکستان آمد پر اپنے منصوبے سے پردہ اٹھایا تھا۔

انٹرویو میں بھارتی صحافی نے سوال کیا تھا کہ اگر عمران ہاشمی پاکستان آتے ہیں تو آپ کیا کریں گے؟ ان کو ایئرپورٹ سے برقعہ پہنا کر لائیں گی تاکہ وہ لڑکیوں سے محفوظ رہیں یا پھر تمام خواتین کو گھروں میں رہنے کا کہیں گی؟

اس پر اداکارہ نے جواب دیا تھا کہ میں تمام لڑکیوں کو بتا دوں گی کہ عمران ہاشمی آ رہے ہیں آپ لوگ ایئرپورٹ چلے جائیں تو وہ خوش ہو جائیں گے۔

انہوں نے مزید کہا تھا کہ میں عمران ہاشمی سے بات کروں گی کہ وہ میرے ساتھ پوڈکاسٹ کریں۔ انہوں نے بتایا تھا کہ عمران اپنے اسٹارڈم کو پسند کرتے ہیں اور اسے دکھانا پسند کرتے ہیں۔

حمائمہ ملک کی پہلی محبت

گزشتہ سال پاکستانی اداکارہ نے اپنے انسٹاگرام اکاؤنٹ سے بالی وڈ کے سُپر اسٹار سلمان خان کی تصویر جاری کی تھی اور انہیں 58ویں سالگرہ پر مبارکباد پیش کی تھی۔

حمائمہ ملک نے کیپشن میں لکھا تھا کہ مجھے فلموں سے کیسے پیار ہوا، کیسے میں بچپن میں آپ کے پوسٹ کارڈز خرید کر ایک اداکار بننا چاہتی تھی۔

سلمان خان کو مخاطب کرتے ہوئے ان مزید کہنا تھا کہ آپ سب سے خوبصورت انسان اور میری ہمیشہ کیلیے پہلی محبت ہیں۔