ویسٹ انڈیز کے جارح مزاج بیٹر نکولس پوران نے ہم وطن کرس گیل کا ٹی 20 میں چھکوں کا ریکارڈ توڑ دیا۔
ویسٹ انڈیز کے جارح مزاج بیٹر نکولس پوران کلینڈر ایئر میں ٹی 20 فارمیٹ میں 150 چھکے لگانے والے دنیا کے پہلے کرکٹر بن گے ہیں۔
انہوں نے یہ کارنامہ گزشتہ روز کیریبین پریمیئر لیگ (سی پی ایل) ٹی 20 میں سر انجام دیا ہے۔
نکولسن پوراان نے 2024 میں اب تک 63 ٹی 20 میچز میں 151 چھکے لگائے ہیں جو دنیا کے کسی بھی بیٹر کے ایک سال میں اس فارمیٹ میں سب سے زیادہ چھکے ہیں۔
اس سے قبل ویسٹ انڈیز کے سابق کرکٹر کرس گیل نے 2015 میں 36 ٹی ٹوئنٹی اننگز میں 135 چھکے مارے تھے۔
واضح رہے کہ 2015 میں نکولس پورن ٹریننگ سے واپسی پر کار حادثے میں زخمی ہوئے تھے جس کی وجہ سے ان کی ٹانگوں پر چوٹ آئی تھی اور وہ کئی ماہ تک کرکٹ سے دور رہے تھے اور اس وقت ان کی عمر صرف 19 سال تھی۔
یاد رہے کہ نکولسن پوران نے 98 ٹی 20 انٹڑنیشنل کی 90 اننگز میں 2195 رنز بنارکھے ہیں جبکہ ان کے چھکوں کی تعداد 144 ہے اور وہ دس بار ناٹ آؤٹ بھی رہے ہیں۔