دنیا ہمارا مذاق بنا رہی ہے، یہ صورتحال کبھی نہیں دیکھی، سابق چیف سلیکٹر

قومی کرکٹ ٹیم کے سابق چیف سلیکٹر ہارون رشید نے کہا ہے کہ پاکستان کرکٹ کی ایسی صورتحال کبھی نہیں دیکھی دنیا ہمارا مذاق اڑا رہی ہے۔

سابق پاکستانی کرکٹر ہارون رشید کا کراچی میں ذرائع ابلاغ سے گفتگو میں کہنا تھا کہ پاکستان کی کرکٹ کئی مسائل سے دوچار ہے، مجھ اور کئی سابق کرکٹرز کو پی سی بی نے بلایا، تاہم ایک دو گھنٹے کی میٹنگ کرکے مسائل کو دور نہیں کیا جاسکتا۔

ہارون رشید نے کہا کہ پاکستان میں کرکٹ کو بہترکرنے کےلیے دو لمبے سیشن کرنے ہوں گے، بدقسمتی سے پاکستان میں کپتانی ٹیم میں آکر سیکھی جاتی ہے، پاکستان کرکٹ بورڈ سے وابستہ رہ چکا ہوں۔

سابق چیف سلیکٹر نے افسوس کا اظہار کرتے ہوئے کہا کہ دنیا پاکستان کرکٹر بورڈ اور قومی کرکٹ ٹیم کا مذاق بنا رہی ہے، اس طرح کی صورتحال پہلے کبھی نہیں دیکھی۔

انھوں نے کہا کہ کنیکشن کیمپ میں ہم نے دنیا کو بتا دیا کہ ہماری ٹیم متحد نہیں ہے، یہ بھی بدقسمتی کی بات ہے کہ پاکستان ٹیم میں آکر پلیئرز کپتانی سیکھتے ہیں۔

ہارون رشید نے کہا کہ انڈر 19 ٹورنامنٹ شروع کرکے بندکر دینا، ریڈبال سیریز سے پہلےوائٹ بال ٹورنامنٹ کرانا، ایسا لگتا ہے بورڈ کے لوگوں وژن سے عاری ہیں، پی سی بی کے لوگ کنفیوز ہیں۔