پاکستان ریڈ بال ٹیم کے کوچ جیسن گلسپی کا اہم بیان سامنے آیا ہے، جس میں اُن کا کہنا ہے کہ پلیئرز کی فٹنس کا معاملہ کنٹرول ہوسکتا ہے، کھلاڑیوں پر بھروسہ کرنا اور ان کو اعتماد دینا بہت اہم ہے۔
پاکستان ریڈ بال ٹیم کے کوچ جیسن گلسپی کا چیمپئنز کپ کے دوران کمنٹری میں بات کرتے ہوئے کہنا تھا کہ بنگلادیش کیخلاف سیریز میں نتائج ہمارے حق میں نہ تھے۔
انہوں نے بتایا کہ ایک بری سیریز کے بعد جلد بازی میں کوئی فیصلہ نہیں کرنا چاہتے، ہم نے انگلینڈ کے خلاف اسکواڈ کو بنگلا دیش سیریز سے زیادہ مختلف نہیں رکھا،
ریڈ بال ٹیم کے کوچ نے کہا کہ کامران غلام کو بتایا گیا ہے کہ اس وقت موجودہ پلیئرز کو اعتماد دیا گیا تھا، کامران غلام کی فارم اور پرفارمنس سے واقف ہوں، وہ ہماری پلاننگ میں ہے۔
ریڈ بال ٹیم کے کوچ کا مزید کہنا تھا کہ خواہش تھی کہ شاہین آفریدی پہلا ٹیسٹ چھوڑ کر فیملی کو وقت دیتے، مستقبل کی مصروفیات دیکھ کر پلیئرز کو چیمپینز کپ کے بقیہ میچز سے منع کیا۔
ارجن ٹنڈولکر کتنے اثاثوں کے مالک ہیں؟
کھلاڑیوں کے ورک لوڈ مینجمنٹ پر گیری کرسٹن سے بھی بات ہوئی ہے، ہمیں 11 کھلاڑیوں سے بالاتر ہوکر ایک اسکواڈ کی سوچ اپنانا ہوگی۔