خیبرپختونخوا کی جانب سے برآمدات پر 2 فیصد ٹیکس لگانے کے معاملے کی ایف بی آر نے مخالفت کر دی۔
فیڈرل بورڈ آف ریونیو نے کےپی کی طرف سے 2 فیصد سیس ٹیکس لگانے کی مخالفت کر دی۔ کے پی نے23 اگست 2024 سے انفراسٹرکچر ڈیولپمنٹ سیس عائد کیا تھا۔
یہ ٹیکس ایئر، روڈ اور ریل کے ذریعے کنسائنمنٹس کی ایکسپورٹ پر لگایا گیا۔
ایف بی آر کا کہنا ہے کہ صوبے کی طرف سے ٹیکس لگانے سے برآمدات متاثر ہو سکتی ہیں، کےپی کے مختلف بارڈر پوائنٹس سےافغانستان کو برآمدات ہوتی ہیں۔
فیڈرل بورڈ آف ریونیو کے مطابق برآمدات پر ڈیوٹیز یا ٹیکس لگانے سے ایکسپورٹس پر منفی اثر پڑ سکتاہے پاکستان کیلئے فارن ایکسچینج کی ترسیل بھی متاثرہونے کا خدشہ ہے درآمدات یابرآمدات پر ٹیکس لگانے کا اختیار صرف پارلیمنٹ کو ہے۔
ایف بی آر نے اس حوالے سے وزارت قانون سے رائے لینے کی سفارش کر دی۔ کاروباری طبقہ خیبرپختوانخوا حکومت کے اقدام پر پہلے ہی تحفظات ظاہر کر چکا ہے۔