اسرائیلی وزیراعظم بن یامین نیتن یاہو اور اُن کے سابق وزیر دفاع یوآو گیلنٹ کیلیے دنیا میں زمین مزید تنگ ہوگئی۔
بین الاقوامی خبر رساں ادارے کی رپورٹ کے مطابق آئی سی سی کی جانب سے دونوں کے خلاف وارنٹ گرفتاری جاری ہونے کے بعد دنیا کے 120 سے زیادہ ممالک اب اِنہیں گرفتار کرنے کے پابند ہو گئے۔
مقبوضہ فلسطینی علاقوں میں نسل کشی کے مرتکب قرار پانے کے بعد اِن دونوں کی حیثیت مفرور مجرموں کی مانند ہوگئی ہے۔
رپورٹس کے مطابق معاہدہِ روم کے تحت آئی سی سی میں شامل تمام 124 ملک اسرائیلی وزیر اعظم نیتن یاہو اور گیلنٹ کے وارنٹ گرفتاری پر عمل درآمد کے قانونی طور پر پابند ہوگئے ہیں۔
بین الاقوامی انسانی کے حقوق وکلاء کے مطابق جو رکن ممالک آئی سی سی کے فیصلے عمل نہیں کریں گے وہ خلاف ورزی کے مرتکب ہوں گے۔
واضح رہے کہ امریکی صدر جو بائیڈن نے اس بات کا دعوی کیا ہے کہ بین الاقوامی فوجداری عدالت کی طرف سے اسرائیلی وزیر اعظم اور سابق وزیر دفاع یوو گیلنٹ کے گرفتاری کے وارنٹ کا جاری کرنا ”بیہودہ ”فعل ہے۔
امریکی صدر جوبائیڈن نے آئی سی سی کی جانب سے اسرائیلی وزیر اعظم اور گیلنٹ کی گرفتاری کے وارنٹ جاری کرنے کے حوالے سے تحریری بیان جاری کیا ہے۔
لوئرکرم میں دہشتگردی، ایرانی صدر کا اہم بیان
امریکی صدر بائیڈن کا کہنا تھا کہ یہ شرمناک بات ہے کہ آئی سی سی نے اسرائیلی رہنماؤں کے وارنٹ گرفتاری جاری کیے ہیں۔