ملک بھر میں سردی کی شدت میں اضافہ، کئی علاقوں کا درجہ حرارت منفی ہوگیا

ملک کے مختلف شہروں میں سردی کی شدت میں اضافہ ہوگیا جبکہ کئی علاقوں کا درجہ حرارت منفی ہوگیا۔

محکمہ موسمیات کے مطابق آج سے ملک کے مختلف علاقوں میں بارش کی پیشگوئی کر دی جبکہ سندھ، بلوچستان اور پنجاب کے علاقوں میں سرد اور تیز ہوائیں چلنے کا امکان ہے اور پہاڑوں پر برفباری ہو سکتی ہے۔

محکمہ موسمیات کا کہنا ہے کہ بالائی علاقوں اور بلوچستان میں موسم شدید سرد ہوگیا، اسکردو میں پارہ منفی 9، قلات میں منفی 7 استور، گلگت اور کالام منفی 5 تک گر گیا جبکہ کوئٹہ میں منفی 2 ریکارڈ کیا گیا۔

محکمہ موسمیات نے آج سے ملک کے مختلف علاقوں میں بارش کی پیش گوئی کی ہے جبکہ سندھ، بلوچستان پنجاب میں سرد اور تیز ہوائیں چلنے کا امکان ہے اور پہاڑوں پر برفباری بھی ہوسکتی ہے۔

محکمہ موسمیات کا کہنا ہے کہ آج سے 8 دسمبر کے دوران مری، گلیات، اسلام آباد، راولپنڈی اور لاہور سمیت پنجاب کے مختلف علاقوں میں بارش متوقع ہے۔

اس کے علاوہ چترال، دیر، سوات، مالاکنڈ سمیت کے پی، گلگت بلتستان اور آزاد کشمیر میں بھی بارش اور پہاڑوں پر برفباری کا امکان ہے۔