پاکستانی شوبز انڈسٹری کے نامور اداکار گوہر رشید نے سوشل میڈیا پر گردش کرتیں شادی سے متعلق خبروں پر بالآخر خاموشی توڑ دی۔
پچھلے چند دنوں سے گوہر رشید خبروں میں ہیں، اداکار کے بارے میں یہ دعویٰ کیا جا رہا ہے وہ عنقریب معروف اداکارہ کبریٰ خان سے شادی کرنے والے ہیں۔
گوہر رشید کی شاپنگ مال میں صحافی سے گفتگو کی ویڈیو سامنے آئی ہے۔ صحافی نے سوال کیا کہ آپ کے کس دوست کی شادی ہے جس کے بارے میں آپ بتا نہیں رہے؟
یہ بھی پڑھیں: کبریٰ خان اور گوہر رشید کی شادی کی تاریخ سامنے آ گئی
اس پر اداکار نے جواب دیا کہ میں وعدہ کرتا ہوں کہ جلد ہی اس بارے میں اعلان کروں گا، میں آپ کو بتاؤں گا کہ کس کی شادی ہو رہی ہے، یقین دلاتا ہوں کہ یہ کوئی پبلسٹی اسٹنٹ نہیں بلکہ حقیقت میں شادی ہو رہی ہے۔
View this post on Instagram
چند روز قبل گوہر رشید کی نکاح نامے پر دستخط کرنے کی ویڈیو سامنے آئی تھی جس کے بارے میں لوگوں کا خیال تھا کہ وہ واقعی شادی کے بندھن میں بندھنے والے ہیں۔
بعدازاں، اس ویڈیو کی حقیقت سامنے آئی تھی جو اداکار حمزہ علی عباسی اور اداکارہ نیمل خاور کے نکاح کی تقریب کی تھی جس میں گوہر رشید نے بطور گواہ دستخط کیے تھے۔