کراچی: جناح انٹرنیشنل ایئرپورٹ پر ہیوی طیاروں کی لینڈنگ ممکن بنانے کے لیے تعمیراتی کام تیزی سے جاری ہے۔
ایئرپورٹ حکام کے مطابق کراچی ایئرپورٹ پر 600 سیٹر بڑے طیاروں کی لینڈنگ کے لیے تعمیراتی کام جاری ہے، ایئرپورٹ پر سب سے بڑے طیاروں کی لینڈنگ کے لیے ’07 ایل‘ رن وے کی اپ گریڈیشن کا کام تیزی سے پورا کیا جا رہا ہے۔
نئے زیر تعمیر جدید رن وے کو رواں سال 2025 کے آخر تک مکمل کر لیا جائے گا، جس سے کراچی میں 600 سیٹر ایئر بس 380 طیارے کی لینڈنگ ممکن ہو سکے گی۔
ایئرپورٹ حکام کا کہنا ہے کہ نئے رن وے کی تعمیر پرانے رن وے کو توڑ کر کی جا رہی ہے، بڑے طیاروں کی کراچی لینڈنگ کے لیے ایمریٹس سمیت دیگر ایئر لائنوں نے دل چسپی کا اظہار کیا ہے۔