بالی ووڈ کی ایک اور مقبول ترین جوڑی کیارا ایڈوانی اور سدھارتھ ملہوترا کے ہاں پہلے بچے کی پیدائش جلد متوقع ہے۔
بالی ووڈ کی معروف اداکارہ کیارا ایڈوانی کا سدھارتھ ملہوترا نے فوٹو اینڈ شیئرنگ ایپ انسٹاگرام کے ذریعے اپنے مداحوں کو اس خوشی کی خبر کے بارے میں آگاہ کیا ہے۔
View this post on Instagram
اداکارہ کیارا نے اس خوشی کی خبر کے ساتھ ایک پیاری تصویر شیئر کی جس میں بچے کے موزے کو دیکھا جاسکتا ہے ساتھ ہی انہوں نے کیپشن میں لکھا کہ ‘ ہماری زندگی کا سب سے بڑا تحفہ، جلد آرہا ہے’۔
اداکارہ کیارا کی جانب سے خوشخبری کا اعلان کرنے پر بالی ووڈ کی نامور شخصیات نے جوڑے کو مبارک باد کے پیغامات بھیجے ہیں، جس میں راکل پریت سنگھ، نینا گپتا، سمانتھا روتھ پربھو، اتھیا شیٹی اور دیگر شامل ہیں۔
واضح رہے کہ بھارتی اداکار کیارا ایڈوانی اور سدھارتھ ملہوترا کی شادی 7 فروری 2023 کو راجستھان کے جیسلمیر کے سوریہ گڑھ پیلس میں ہوئی تھی، جس میں نامور بالی ووڈ اسٹارز سمیت قریبی عزیز و اقارب نے شرکت کی تھی، دونوں کی شادی کی تقریبات کا آغاز 5 فروری 2023 کو ہوا تھا۔
کیارا ایڈوانی نے اپنی شادی پر گلابی رنگ کا لہنگا زیب تن کیا، جسے معروف فیشن ڈیزائنر منیش ملہوترا نے ڈیزائن کیا تھا جبکہ سدھارتھ نے گولڈن رنگ کی شیروانی زیب تن کی تھی، کیارا ایڈوانی نے شادی کی تصاویر شیئر ہوئے لکھا کہ اب ہماری پرمنٹ بکنگ ہوگئی ہے۔