بھارت میں بارات میں پیسے لوٹنے والا 14 سالہ لڑکا کرنٹ لگنے سے ہلاک ہوگیا۔
بھارتی میڈیا رپورٹس کے مطابق ریاست ہریانہ کے گاؤں تاجپور میں افسوسناک واقعہ پیش آیا جہاں شادی کی تقریب کے دوران باراتیوں کی جانب سے پیسے لٹائے جارہے تھے۔
مزدور کا بیٹا ہمانشو نامی 14 سالہ لڑکا باراتیوں کو پیسے لٹاتا دیکھ کر چھت پر چڑھ گیا۔
رپورٹ کے مطابق کچھ پیسے ایک مکان کی چھت پر گرے تھے جسے لینے کے لیے وہ چھٹ پر چڑھنے کی کوشش کرنے لگا اور بجلی کے تاروں سے کرنٹ لگنے کے باعث ہلاک ہوگیا۔
واقعے کا علم ہوتے ہی پولیس نے لاش تحویل میں لے کر پوسٹ مارٹم کروانے کے بعد ورثا کے حوالے کردی۔